مردان میں بیوی نے شوہر کو زندہ جلا دیا

مردان (مانیٹرنگ ڈیسک ) مردان میں بیوی نے شوہر کو زندہ جلا دیا۔میڈیا رپورٹس میں بتایا گیا ہے کہ خاتون نے شوہر کو نشہ آور گولیاں کھلانے کے بعد آگ لگادی۔ملزمہ نے اپنے بیان میں شوہر پر غیر اخلاقی کام کرنے کا الزام عائد کیا ہے۔ملزمہ نے بیان دیا ہے کہ شوہر مجھے غیر اخلاقی کاموں پر مجبور کرتا تھا اسی وجہ سے تنگ آ کر اسے جان سے مارنے کا فیصلہ کیا۔اس سے قبل مردان میں سفاک شوہر نے مبینہ طور پر بیوی کو زندہ جلا ڈالا تھا۔ پولیس کے مطابق مردان کے علاقے جلوزئی میں سفاک شوہر نے مبینہ طور
پر پٹرول چھڑک کر بیوی کو آگ لگادی۔مقتولہ کے والد کی رپورٹ پر تین ملزمان کے خلاف مقدمہ درج کردیا گیا تھا۔،پولیس کے مطابق ملزمان میں مقتولہ کا خاوند، سسر اور ساس شامل ہیں ،ساس کو گرفتار کرلیا گیا جبکہ شوہرآٹھ ماہ کی بچی کو ساتھ لیکر فرارہوگیا۔پولیس نے مقدمہ درج کرکے مزید تحقیقات شروع کردی تھیں۔
شوہر کو زندہ جلا دیا